ရှိတာလေးနဲ့ ဖြစ်သလိုအာဏာရှင်စနစ်ကိုဆက်ပြီး တော်လှန်နေအုံးမှာဆိုတဲ့ လူငယ်လေး(၃)ဦး

အာဏာရှင်စနစ် ဖြုတ်ချရေးအတွက် နည်းမျိုးစုံဖြင့် ဆန္ဒပြလှုပ်ရှားနေကြတဲ့အပြင် ပြည်သူ့ကိုယ်စားပြု NUG အစိုးက PDF တပ်မတော်ကိုဖွဲ့စည်းတည်ထောင်ဖို့အတွက် စိတ်အားထက်သန်တဲ့ GZ လူငယ်တွေကို လွတ်မြောက်နယ်မြေဒေသတွေမှာ တိုင်းရင်းသားလက်နက်ကိုင်တပ်တွေရဲ့ သင်ကြားပြသပေးမှုဖြင့် စစ်ပညာများ နည်းစနစ်တကျ သင်ယူနေတာကိုလည်း တွေ့ရပါတယ်။

နယ်မြေဒေသတွေမှာ စစ်ပညာများကို သင်ယူနေကြတဲ့ GZ လူငယ်များဟာ ၎င်းတို့ရဲ့ တော်လှန်းရေးလမ်းစဥ်တွေနဲ့ ခက်ခက်ခဲခဲ နေထိုင်စားသောက်ရတဲ့ ပုံစံတွေကို မကြာခဏဆိုသလို ပြည်သူတွေအတွက် လူမှုကွန်မှာ ချပြတာတွေ ရှိပါတယ်။ ယခုမှာလည်း လက်ရှိ အာဏာရှင် တော်လှန်ရေးအတွက် လွတ်မြောက်နယ်မြေမှာရောက်ရှိနေတဲ့ GZ လူငယ်(၃)ဦးရဲ့ ရင်တွင်းခံစားချက် ပြောပြလာလာခဲ့ပါတယ်။

GZ လူငယ် (၃)ဦးဟာ တေးရေးတေးဆို ၊ ဓာတ်ပုံဆရာ နဲ့ ပုံမှန်နေထိုင်နေတဲ့ သူတွေဖြစ်ကြပြီး သူတို့ရဲ့ အေးချမ်းတဲ့ဘဝတွေကို စွန့်လွှတ်ကာ အနေအထိုင်၊ အစားအသောက် အခက်အခဲဖြစ်တဲ့ တောတောင်တွေထဲမှာ အာဏာရှင်ကိုတော်လှန်ဖို့အတွက် ရောက်ရှိနေကြတာ ဖြစ်ပါတယ်။